EN
Sot në mjediset e Akademisë së Biznesit u zhvillua një takimi bilateral midis përfaqësuesve të APB-së dhe përfaqësuesve të Beijing Foreign Studies University.
Në këtë takim morën pjesë: PENG Long – Rektor; ZHANG Xiaohui – Drejtor, Zyra për Institutin e Konfuçit; KE Jing – Drejtore e Zyrës së Shkëmbimit Ndërkombëtar dhe Bashkëpunimit; DONG Xixiao – Zv/Dekan i Institutit, Gjuhëve të Huaja dhe Kulturave Evropiane; CHEN Fenghua – Drejtor, Departamenti i Studimeve Shqiptare, të cilët dakordësuan për nënshkrimin e një marrëveshje bashkëpunimi bilaterale midis APB-së dhe BFSU-së.
Me nënshkrimin e kësaj marrëveshje universitetet ranë dakord për organizimin e një konference ndërkombëtare me një temë në interes të përbashkët.
Gjithashtu përfaqësuesit e APB-së shprehën interesin për t’u anëtarësuar në Aleancën e Universiteteve të Biznesit “Rruga e Mëndafshit”, ku rektori i Beijing Foreign Studies University ju përgjigj pozitivisht kërkesës tonë.
Palët diskutuan mes njëra-tjetrës edhe për çështje të tjera sikurse shkëmbimet studentore të nivelit Master në fushën e menaxhimit, etj.
Në përfundim të takimit të ftuarit zhvilluan dhe një vizitë në mjediset e kampusit tonë si dhe përmbyllën takimin me një fotografi të përbashkët.